Link açıqlığı

Almaniya cenübinde patlav: 12 kişi yaralandı, 3 insan ağır alda buluna


Almaniya politsiyası patlav yüz bergen yerniñ yanında çalışa, Ansbah, 2016 senesi, iyül 24

Almaniya cenübinde yerleşken Ansbah şeerinde iyül 24-te aqşam patlav yüz berdi, onıñ yekâne qurbanı, politsiya malümatına binaen, özüni patlatqan insan oldı. Daa 12 insan yaralandı, olardan üçü ağır alda buluna.

Bavariya federal toprağı içki işler naziri Yoahim Germannnıñ sözlerine binaen, patlav yapqanında 27 yaşındaki Süriye qaçağı şeklenile. O, Almaniyağa eki yıl evel keldi, sığınaq almaq içün ariza berdi, amma onıñ arizasını red ettiler. Buña baqmadan, onı Almaniyadan sürgün ettiler, çünki Süriyede arbiy faaliyet devam ete.

Bavariya naziriniñ qayd etkenine köre, bu adam, onıñ bileti olmağanı sebebinden muzıka festivaline yiberilmegeninden soñ, özüni patlattı. Yoahim Germann bildirdi ki, ücüm etken kişiniñ maqsatları belli degil –başqalarnı ya da özüni öldürmekmi, çünki şeklenilgen kişi endi eki kere özüni öldürecek edi.

XS
SM
MD
LG