Link açıqlığı

Saatnıñ esas haberi

Qırımda nevbetteki istifa: Aksönov kurort naziriniñ muavinini işten boşattı


İşğal etilgen Qırımda nevbetteki istifa. Bu sefer Kurort nazirliginde. Rusiyege boysunğan Qırım yolbaçşısı Sergey Aksönovnıñ fermanına binaen, kurort naziriniñ muavini Rustem Tagarov işten boşatıldı.

Mütenasip vesiqa Qırım ükümetiniñ saytında iyül 22-de yerleştirildi.

«Tagarov Rustem Ahtemoviçni Qırım Cumhuriyeti kurort ve turizm naziriniñ muavini vazifesinden taraflarnıñ razılığınen boşatmaq», – dep aytıla fermanda.

İyül 19-da Aksönov Qırım Naqliye nazirliginiñ yolbaçşısı Andrey Bezsalovnı işten boşattı. Bundan evel iyül ayında Aksönov Qırım Mesken-kommunal hocalığı naziri Aleksandr Jdanovnı ve onıñ birinci muavini Aleksey Boçarovnı istifağa yolladı.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG