Link açıqlığı

Saatnıñ esas haberi

Münhende ücüm etken insan bir özü areket ete edi, o özüni öldürdi – Almaniya politsiyası


Almaniya politsiyası bildire ki, Münhende ticaret merkezinde ateşni 18 yaşındaki iranlı kişi açtı, o bu şeerde yaşay edi. Politsiya hadimleriniñ qayd etkenlerine binaen, o özüni öldürdi, dep bildire Radio Svoboda.

Ücüm etken adamnıñ maqsatları belli degil. Politsiya onıñ bir özü olğanını ayta.

Münhende ateş açması neticesinde 9 kişi elâk oldı, 20-den ziyade yaralandı, olardan 3 adam ağır alda buluna.

Bundan evel politsiya ücüm etken üç kişini qıdırğanını ilân etken edi.

Münhende ücüm etken kişi cuma künü, tahminen saat 18:40-ta Olympia Einkaufszentrum ticaret merkezinde ateş açtı.

Almaniya kantsleri Angela Merkel Milliy havfsızlıq şurasınıñ acele toplaşuvını çağırdı.

XS
SM
MD
LG