Link açıqlığı

Qırım ile memuriy sıñırda rusiyeli askerler aerostat uçurdı – Ukraina Devlet sıñır hızmeti


Ukraina Devlet sıñır hızmetinde bildireler ki, iyül 22-de saba işğal etilgen Qırım ile memuriy sıñırda rusiyeli askerler avağa aerostat uçurdı.

«Tahminen saat 9:00-da Arabat beli rayonında Berdânsk taqımınıñ «Geniçesk» otrâdınıñ sıñır taqımı rusiyeli işğalci ordusı avağa aerostat uçurğanını belgiledi. Nişan areketsiz tura ve vaqtınca işğal etilgen Qırım territoriyasında, memuriy sıñırdan tahminen bir kilometr uzaqlığına, ğaliba, video közetüv maqsadınen, köterildi», – dep aytıla müessiseniñ beyanatında.

Bu malümatnıñ tasdıqlanması diger menbalarda yoq. Rusiyeli taraf ve Qırımdaki uquq qoruyıcı organları ukrain sıñırcıları bildirgen malümatqa şimdilik izaat bermey.

2014 senesi mart ayında Qırım Rusiye tarafından işğal etilgen soñ, ukrain sıñırcıları yarımada tarafından olğan rusiyeli askerlerniñ ava nezaretini muntazam sürette qayd ete.

Bundan evel bildirilgen malümatqa binaen, Rusiye Fevqulade vaziyetler nazirligi işğal etilgen Qırımda uçucısız aviatsiya merkezlerinden birini teşkil ete.

XS
SM
MD
LG