Link açıqlığı

Saatnıñ esas haberi

Aqmescitte uçaq seferleriniñ lâğu etilmesi devam ete


Aqmescit ava limanı, arhiv fotoresimi
Aqmescit ava limanı, arhiv fotoresimi

Aqmescit ava limanında rusiyeli ava şirketleriniñ uçaq seferleri lâğu etilmege devam ete. İyül 22-de, saba ava limanınıñ online tablosında olğan malümatqa binaen, endi ondan ziyade sefer lâğu etildi, olardan çoqusı Moskvağa ketkenlerdir. Bunen beraber, Qazan, Samara ve Belgorod şeerlerine ketken uçaq seferleri lâğu etildi.

Bundan da ğayrı, bazı yönelişteki seferlerniñ 2-den 9-ğa qadar saat keçiktirilmesi aqqında bildirile.

İşğal etilgen Qırımda seferlerniñ keçiktirilmesi iyül 18-de başlandı, o vaqıt «VİM AVİA» şirketiniñ yolcuları Aqmescit ava limanında bir künden ziyade seferni bekledi. Bunı tehnikiy meselelernen añlatqan ediler.

Rusiye Cenübiy naqliye prokuraturası vaqia boyunca teşkerüv teşkil etti.

2014 senesi mart ayında yarımada Rusiye tarafından işğal etilgen soñ, Qırım ava limanları Ukraina ükümetiniñ qararınen qapatıldı. O yerge ve o yerden er angi uçuşlar Ukraina qanunlarını ve halqara qaidelerni boza, bunıñ içün ava şirketleri Ukraina ve İKAO tarafından halqara sanktsiyalarğa oğray bile.

Şimdiki vaqıtta Qırımğa uçaq seferleri tek rusiyeli şirketler tarafından teşkil etile.

XS
SM
MD
LG