Link açıqlığı

Aqyarda yerli parlamentte bomba qoyulğanı aqqında bildirile, şeer merkezi qapaldı


Rusiyege boysunğan Aqyar yerli parlamentiniñ binasında bomba qoyulğanı aqqında malümat peyda olğanından sebep şeer merkezi qapatıldı. Yerli kütleviy haber vastalarınıñ bildirgenlerine binaen, müessise hadimleri ve deputatlar binanı terk etti.

Matbuatnıñ tasdıqlanmağan malümatına binaen, bomba aqqında malümat parlamentke mektüp vastasınen bildirildi, diger fikirge köre, beyanat müessise hadimlerinden biriniñ elektron poçtasına keldi.

İnternette qapatılğan soqaqlarnı köstergen video peyda oldı, o yerde uquq qoruyıcılar, yanğıncılar ve acele tıbbiy yardım hadimleri buluna.

Yerli İçki işler nazirligi idaresinde Forpost Aqyar neşrine bildirdiler ki, teşkerüv işleri alıp barıla. Bu yerde mütehassıslar, «Berkut», köpeklernen beraber bombanı zararsız alğa ketirgen gruppa çalışa.

Video: Dimitro Sevastopol

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG