Link açıqlığı

Saatnıñ esas haberi

Qırımda mahkeme «fevral 26 işi» boyunca qabaatlanğanlarnıñ apiste bulunma müddetini oktâbr 8-ge qadar uzattırdı


İyül 20-de Rusiyege boysunğan Qırım Yuqarı mahkemesi «Fevral 26 işi» boyunca qabaatlanğan üç kişiniñ apiste bulunma müddetini oktâbr ayına qadar uzattırdı, dep bildire Qırımtatar Milliy Meclisi reisiniñ birinci muavini Nariman Celâl.

«Mahkeme Çiygoz, Degermenci ve Asanovnıñ apiste bulunma müddetini oktâbr 8-ge qadar uzattırdı», – dep yazdı Celâl Facebook saifesinde.

Bundan da ğayrı o bildirdi ki, mahkeme adliyeci Aleksandr Lisovoynıñ dava ceryanına Çiygoznıñ apayını cemaat imayecisi olaraq celp etmek muracaatını qanaatlendirdi.

Elmira Ablâlimova
Elmira Ablâlimova

Toplaşuv qapalı şekildi keçirildi. Mahkeme davanı eki ayrı işke bölmege teklif etti.

Qırım Rusiye tarafından işğal etilgen soñ yarımadada Rusiye uquq qoruyıcıları Ukraina topraq bütünligine qoltutqan ve Qırımnıñ şimdiki yolbaşçısı Sergey Aksenov yolbaşçılığında «Rus birligi» firqasınıñ faallerine qarşı çıqqan qırımtatar faallerini mahküm etmege başladılar.

«Memorial» uquq qoruyıcı merkezi Rusiyede «Fevral 26 işi» boyunca qabaatlanıp apiste bulunğan Ahtem Çiygoz, Ali Asanov ve Mustafa Degermencini siyasiy mabus olaraq tanıdı.

2016 senesi fevral ayında Rusiyege boysunğan Qırım Yuqarı mahkemesiniñ toplaşuvında bu işni qoşma taqiqatqa yollamaq qararı alındı.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG