Link açıqlığı

Faal Aqmescitte ukrain yırcısına bağışlanğan «hatıra divarını» teşkil etmek teşebbüsini bildire


Qırımda Ukrain medeniyet merkeziniñ faali Leonid Kuzmin Rusiyege boysunğan Aqmescit memuriyetine «Skrâbin» ukrain rok-gruppasınıñ solisti Andrey Kuzmenkoğa bağışlanğan «hatıra divarını» teşkil etmek muracaatını yolladı.

Muracaat nushasını Facebook saifesinde paylaştı.

Faal yırcığa bağışlanğan «hatıra divarını» Lenin soqağı tarafından «Sevgi merdiveni» kirişinde yerleştirmege teklif ete.

Bundan evel Kuzmin Qırım.Aqiqatqa rusiyeli Federal Havfsızlıq hızmetiniñ Qırım idaresinde bir yarım saat sorğuğa çekilgenini bildirdi, o yerde onıñ cemaat faaliyeti boyunca söz yürsetildi.

2015 senesi fevral 2-de Dnepropetrovsk vilâyetinde yol qazası neticesinde «Skrâbin» ukrain rok-gruppasınıñ solisti Andrey Kuzmenko elâk oldı.

Ukrain yırcısınen sağlıqlaşuv aktsiyaları işğal etilgen Qırımda da keçirilgen edi.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG