Link açıqlığı

Yolcularğa Qırımğa «Çonğardan» nevbetler sebebinden barmamağa tevsiye eteler


Ukrain gümrükçileri işğal etilgen Qırımğa ketken yolcularğa «Çonğar» keçirme noqtasından barmamağa muracaat ete.

Herson vilâyetinde Ukraina Devlet fiskal hızmetiniñ territorial idaresinde bildirgenlerine köre, keçirme noqtasında iyül 18-den başlap avtomobil nevbetleri tizildi.

«Fizikiy şahıslarnıñ memuriy sıñırnı «Qalançaq», «Çaplinka» nezaret kiriş-çıqış noqtalarından keçmeleri daa yahşı olur», – dep aytıla beyanatta.

Müessisede bildirdiler ki, memuriy sıñırdaki, Herson gümrügi faaliyet alıp barğan zonadaki qayd etilgen kiriş-çıqış noqtaları adiy rejimde çalışa.

Bundan evel Ukraina Devlet sıñır hızmetinde bildirdiler ki, 2015 senesine köre, 2016 senesi işğal etilgen Qırım ile memuriy sıñırda areket etken vatandaşlar ve naqliyeniñ aqını eksile.

2014 senesi Qırım Rusiye tarafından işğal etilgen soñ qıtaiy Ukraina ve yarımada arasında resmiy şekilde – memuriy, amelde ise – aqiqiy bir sınır peyda oldı. Memuriy sıñırda üç kiriş-çıqış noqtası çalışmaqta – «Kalançak», «Çonğar» ve «Çaplınka».

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG