Link açıqlığı

Saatnıñ esas haberi

Bütün Rusiye cemaat fikrini ögrenüv merkeziniñ soravı: Qırımda eñ çoq yüksek fiyatlar ve yollardan memnün degiller


Qırım sakinleriniñ çoqusı, olarnıñ sözlerine binaen, ayatından memnün: yarımada sakinleri arasında memnün oluv seviyesi 86%-nı teşkil ete, Aqyar sakinleri arasında – 75%. Böyle sorav neticelerini Bütün Rusiye cemaat fikrini ögrenüv merkezi (BRCFÖM) iyül 18-de bildirdi. Qırımda soravdan keçken er dörtünci adam eñ keskin problemalarnı aytıp, yolnıñ yavaş quruluvı(25%) ve yüksek fiyatlarnı (23%) qayd etti.

«Aqyarda problemalar alğısınıñ duyğusı ziyadedir: 39% eñ çoq yüksek fiyatlar problemsasını, 30% yol quruluvı ve tamir etilmesiniñ yavaş yapılmasını qayd etti ve 26% kiçik aylıq ve onıñ yükselmemesine şikâyet etti», – dep aytıla taqiqatta.

Bunen beraber, sorav çerçivesinde Qırım sakinlerinden «yarımadanıñ Rusiye Federatsiyası terkibine integratsiyası» aqqında soradılar.

Sorav neticelerine binaen, Qırım sakinleriniñ dörtte üç qısmı (74%) belley ki, bu ceryan, umumen olaraq, muvafaqiyetli keçti, bir sıra mesele alâ daa çezilmegen qalğanına baqmadan. İntegratsiya meseleleriniñ çoqusı çezilmeyip qalğanını soravdan keçken er dörtünci kişi ayttı.

Bütün Rusiye cemaat fikrini ögrenüv merkeziniñ soravı Qırımda ve Aqyarda iyün 30-dan iyül 4-ke qadar keçirildi. Qırımda 1000 kişi: Aqyarda da 1000 kişi soravdan keçti.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG