Qazahistan İçki işler nazirligi (İİN) Almatı şeerinde belli olmağan silâlı şahıslarnıñ politsiya bölügine ücümi neticesinde üç politsiya hadimi elâk olğanı ve daa bir qaç kişi yaralanğanı aqqında bildire. Bundan da ğayrı, beyanatqa binaen, bir vatandaş elâk oldı. İNN bildirgen malümatqa köre, ücümciler ateş açıp, onıñ avtomobilini almağa tırıştı.
Bunen beraber, İçki işler nazirligi ücüm etkeninde şeklenilgen bir kişi aqqında bildire.
«İlk malümatlarğa binaen, yaqalanğan kişi 27 yaşındaki, bundan evel mahküm etilgen Qızılorda vilâyetiniñ sakini keçen afta soñu qadınnı öldürgeninde şeklenile», – dep aytıla beyanatta.
Şeerde telükeniñ «qırmızı» seviyesi ilân etildi ve ücüm etkeninde şeklenilgen eñ azdan daa bir kişini yalama boyunca ameliyat alıp barıla.
Yerli kütleviy haber vastaları bildire ki, ücüm tek politsiya bölügine degil de, amma Milliy havfsızlıq komitetiniñ yerli bölügine de etildi ve daa bir yerde ateş açıldı, amma tafsilâtlı malümat yoq.
Bundan evel, iyün ayında Aktobe şeerinde silâlı insanlar ücüm etken soñ, Qazahistanda telükeniñ «sarı» seviyesi ilân etilgen edi. O vaqıt 28 kişi elâk oldı.
