Link açıqlığı

Qara deñizde vaziyet kerginleşkeniniñ neticesi Qırım sakinleri içün yaramay ola bile


Rusiye Federatsiyasınıñ Qırım territoriyasında arbiy quvetlerniñ çoqlaşqanı NATO quvetlerini cevap bermege tarik ete, bunıñ içün regionda vaziyet kerginleşecektir. Böyle fikirni Qırım.Aqiqat Radiosınıñ saba yayınında Halqara meseleler boyunca ordu, konversiya ve silâsızlanuv tedqiqatı ukrain merkeziniñ müdir muavini Mihail Samus bildirdi.

«Vaziyet kerginleşecektir ve Qırım sakinleri kerçekten de añlamaq kerek ki, bu dava yaramay neticelene bile. Bütün bu vaziyet ilk kününden başlap, olar (Qırım sakinleri – QA) Rusiye Federatsiyası siyasetiniñ reineleri ola», – dep ayttı o. Qırım civarında «arbiy kerginleşmeniñ» peyda olmasını programmanıñ diger musafiri – rusiyeli arbiy közetici – Aleksandr Golts da tahmin etti. Bundan evel Ukraina baş naziri Vladimir Groysman Kanadadan zenaatdaşı Jastin Trüdonen körüşüv devamında qayd etti ki, kurort olğan ukrain Qırımı Rusiye tarafından işğal etilgen soñ «quvetli arbiy bazağa» çevirile. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG