Link açıqlığı

Saatnıñ esas haberi

Erivanda uquq qoruyıcılar ve silâlı muhalifet arasında dava devam ete


Ermenistan paytahtı Erevanda uquq qoruyıcılar ve reine tutqan «Tesis parlamenti» muhalif birleşmesiniñ silâlı temsilcileri arasında dava ekinci kün devam ete.

Ücüm etkenlernen muzakereler alıp barıla, amma ermeni ükümette ücüm etkenlerniñ esas talabını – keçken ay yaqalanğan, ükümetniñ keskin tenqitçisi olğan, muhalif birleşmesiniñ yolbaşçısı Jirayr Sefilânnı azat etmek talabını ömürge keçirmek imkânsız olğanını saya.

İyül 17-de saba tahminen «Tesis parlamenti» azaları olğan 30 silâlı erkek kişi taqımı, erevanlı Erebuni rayonında politsiya bölügine kirdi. Atışma neticesinde politsiya hadimi elâk oldı, daa ekisi yaralandı. Beyanatlarğa binaen, bunen beraber, ücümcilerden biri de yaralandı.

Ücümciler bölğkte bir qaç reine tuttı. Muzakereler devamında bir qaç reine azat etildi. Radio Svobodanıñ ermeni hızmeti Radio Azatutünniñ malümatına binaen, şimdiki vaqıtta ücümcilerniñ elinde bir qaç reine bar, olarnıñ arasında Erevan politsiya yobaçşısınıñ muavini Valeriy Osipân.

XS
SM
MD
LG