Link açıqlığı

Keriçte suv nasos stantsiyasında yanğın neticesinde evler suvsız qaldı


İyül 15-te aqşam Keriçte suv nasos stantsiyasında yanğın yüz berdi, endi evlerde suvnen teminlenme yoq, dep bildire «Sobıtiya Krıma».

Yerli sakinlerniñ añlatqanlarına binaen, yanğın tahminen saat 21:00-de, Dmitriy Donskoy soqağında başlandı.

«Tünevin saat 21:00-de elektrik energiyası deñişikligi sebebinden suv nasos stantsiyası yandı. Qoşma stantsiya ise çalışmay. Yanğın tumanı direk kibi tura edi», – dep qayd eteler yerli sakinler.

Olarnıñ sözlerine binaen, olarnıñ evleri endi üç kün devamında suvsız tura.

«Başta suv eki kün yoq edi, soñra ise, stantsiya yandı, ve suv endi üçünci kün yoq», – dep şikâyet ete Keriç sakinleri.

Malümatnıñ diger tasdıqlanması yoq, vaqia aqqında resmiy beyanatlar bildirilmey.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG