Rusiye Fevqulade vaziyetler nazirliginiñ Kremlge boysunğan Qırım idaresinde bildireler ki, yarımadada ava arareti 40 derecege qadar yete.
Qırım yalısında ava arareti 37 dereceni teşkil ete bile, çöl ve dağlarğa yaqın olğan rayonlarda – 40 derecege qadar, dağlarda salqınca – 30 derecege qadar.
Qırımnıñ bütün territoriyasında yüksek yanğın havfı devam ete.
Fevqulade vaziyetler nazirligi asfalt ve demiryolnıñ şekli bozula bilgeni, ve bu sebepten yollarda qazalar ola bilecegi aqqında haber ete. Bunen beraber, himik ve patlatıcı maddelerni taşımanen bağlı qazalar ola bile.
Qurtarıcılar ateş yaqmamağa, yerge yanğan sernik, sigar atmamağa çağıra. Pirotehnika qullanmamağa tevsiye etile. Bundan da ğayrı, qurtarıcılar küneş urğan alanlarda şişelerni, cam parçalarını ve diger çöpni qaldırmağa yasaq ete.
Çoq suv içmege tevsiye etile.
