Link açıqlığı

Gece Aqmescitte İstanbuldan Moskvağa ketken uçaq qondı – kütleviy haber vastaları


Gece Aqmescitte İstanbuldan Moskvağa ketken uçaq qondı. Uçaqqa yaqarlıq toldurıldı, bundan soñ onı Şeremetyevoğa yolladılar. Bu aqta RİA Krım agentligi, Aqmescit ava limanınıñ dispetçer hızmetine esaslanıp, bildire.

Olarnıñ malümatına binaen, Atatürk ava limanından Şeremetyovoğa ketken 2134 seferi uçuşta aylandırıldı ve yaqarlıq toldurmaq içün Aqmescit ava limanında qondı. Bundan soñ uçaq Moskvağa yol aldı. O yerge saba tahminen saat 4-te keldi.

Seferni yapqan Aeroflot şirketiniñ saytında malümatnıñ tasdıqlanması yoq, Aqmescit ava limanı da bu sefer aqqında malümat bildirdmey.

Türkiyede iyül 16-ğa keçer gecesi askerler ükümni elde etecek oldı.

Ordu temsilcileriniñ bildirgenine köre, olar «demokratik nizamnı yañıdan qurmaq» maqsadınen areket etti.

Türkiye prezidenti Recep Tayyip Erdoğan vatandaşlarnı devlette arbiy avdarma ıntıluvına qarşı narazılıq aktsiyalarına çıqmağa çağırdı.

Türkiye baş naziri Binali Yıldırım ilân etti ki, boysunmadan çıqqan askerlerniñ taqımı qanunsız avdarmanı ıntılıp baqtı.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG