Link açıqlığı

Saatnıñ esas haberi

Rusiye Qırımda C-400 raketa komlkeslerinen «ateş quvetini qaviyleştirecek»


Rusiye Federatsiyası yaqın vaqıtta işğal etilgen Qırımda C-400 raketa komplekslerini yerleştirmege niyetlene, dep ilân etti iyül 15-te rusiyeli Devlet Duması Mudafaa komitetiniñ yolbaşçısı, Rusiye Qara deñiz flotunıñ sabıq komandanı admiral Vladimir Komoyedov. Bu aqta rusiyeli «İnterfax» bildire.

«Bu, ateş quvetiniñ qaviyleştirilmesidir», – dep añlattı Komoyedov.

Avgust ayında «Triumf» C-400 zenit raketa sistemasınıñ yañı polk komplekti sınavlardan soñ Qırımğa yollanılacaq, dep bildirdi ştab müdiri, PVO 31-ci diviziyasınıñ 18-ci zenit raketa polkunıñ müdir muavini podpolkovnik Yevgeniy Oleynikov.

«Triumf» C-400 zenit raketa stantsiyası strategik ve taktik aviatsiya uçaqları, ballistik raketalar, giperses nişanlarını ve diger ava ücüm aletlerini radioelektron ve diger qarşılıq türleri şaraitinde urmaq içün yapılğan.

Sistema 400-ge qadar kilometr uzaqlığında aerodinamik nişanlarını, bunen beraber, saniyede 4,8 km suratınen uçqan 60-ge qadar kilometr uzaqlığında ballistik nişanlarını ura bile.

Tünevin Ukraina baş naziri Vladimir Groysman Kanadadan zenaatdaşı Jastin Trüdonen körüşüv devamında qayd etti ki, kurort olğan ukrain Qırımı Rusiye tarafından işğal etilgen soñ «quvetli arbiy bazağa» çevirile.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG