Link açıqlığı

Feygin AQŞ Kongressini qırımtatarlarnıñ taqip etilmesi boyunca rezolütsiyanı qabul ettirmege istey


Rusiyeli adliyeci Mark Feygin Rusiye tarafından işğal etilgen Qırımda qırımtatarlarnıñ taqip etilmesi Amerika Qoşma Ştatları Kongressinde baqılmaq ve mütenasip rezolütsiya qabul etilmek kerek, dep saya.

Bu aqta o, Facebook saifesinde yazdı.

«Amerikalı Kongressni ve bir sıra avropalı müessiselerni qırımtatarlarnıñ taqip etilmesi boyunca mütenasip rezolütsiyalar ve muracaatlarnı qabul ettirecek olamız. Bu pek mürekkep bir iştir, amma biz tırışacaqmız...», – dep yazdı adliyeci.

Bundan evel Mark Feygin rusiyeli uquq qoruyıcıları cinaiy işler açqan qırımtatarlarnıñ imayesine qoşulğanını bildirgen edi. Hususan, şimdilik Qırımtatar Milliy Meclisiniñ reis muavini İlmi Umerov aqqında söz yürsetile, onı işğal etilgen Qırımda «separatizmde» qabaatlaylar.

Yarımadada Ukraina tarafdarları ve qırımtatarlarnıñ taqip etilmesi Qırım Rusiye tarafından işğal etilgen soñ daa ziyade oldı. Bu aqta uquq qoruyıcılar bir çoq sefer aytqan edi. Olar Kremlni insan aqları bozulmasını toqtatmağa çağıra. Amma Moskvada ve Qırım rusiyeli ükümeti repressyalarnı red ete.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG