Link açıqlığı

Saatnıñ esas haberi

Qırımda qazan daireleriniñ üçte bir qısmı qışqa azır olğanı aqqında bildirile


İşğal etilgen Qırımda, iyül 14-te olğan vaziyetke köre, qazan daireleri ve evlerniñ üçte bir qısmı qızdıruv mevsimine azır, dep qayd ete Rusiyege boysunğan Qırım Mesken-kommunal hocalığı nazirliginiñ matbuat hızmeti.

Müessiseniñ bildirgenine köre, yarımadanıñ 3735 meskün evi , bu ise, umumiy sayıdan 26%, 327 qazan dairesi – 37%; 351 km issi ağları – 35%; 53 merkeziy issi noqtası – 44% qızdıruv mevsimine azır.

Bundan da ğayrı, suv ağı ve kanalizatsiya obyektleri 35%-ğa azır olğanı bildirile. Müsessise qızdıruv mevsimine azırlıqnı nezaret astında tutmaq içün daimiy toplaşuvlarnı keçire.

Keçken sene sentâbr soñunda Qırımnıñ Aqmeçit rayonında qızdıruv mevsimine azırlıq 63%-ğa qadar edi. Bu aqta Mesken-kommunal hocalığı naziriniñ muavini Yakub Zeytulayev bildirgen edi.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG