Link açıqlığı

Qırım aliy oquv yurtları oquv fiyatlarını köterdi ve talebelerni qıtağa keçmege rağbetlendire – Kazarin


Yarımada aliy oquv yurtlarında bücet yerleriniñ qısqartılması ve oquv fiyatları köterilmesi sebebinden çoq talebe ve abituriyent Qırımdan Ukrainanıñ qıtaiy qısmına oqumağa kete. Böyle fikirni Qırım.Aqiqat Radiosınıñ saba yayınında Vernadskiy adına Tavriya milliy universitetiniñ rektorı Vladimir Kazarin bildirdi.

«Eki afta evel ticariy esasta oquğanlar içün oquv fiyatlarını aqıldan ayırılğan şekilde köterdiler. Mesele bunda ki, bücet qabulı bayağı qısqartılğan. Filologiyanıñ fiyatı endi 90 biñ rubleni, iqtisadiyat ve idare etüv 120 biñ rubleni teşkil ete. Uquq ise, 130 biñ ruble ve ziyade. Demek ki, grivnağa çevirsek, bu, Kiyev milliy universitetiniñ bayağı yüksek fiyatlarından daa da paalı», – dep ayttı Kazarin.

Endi Ukrainanıñ qıtaiy qısmında çalışqan Vernadskiy adına Tavriya milliy universiteti (TMU) iyül 1-de aliy oquv yurtuna kirmek içün vesiqalarnı qabu etmege başladı. Qabul komissiyası cuma künü nevbetteki adres boyunca açıldı: Kiyev şeeri, Suvorov soqağı, 9. Bunen beraber, universitet esasında «Qırım – Ukraina» yedi maarif merkezlerinden biri çalışıp başladı, bu yerde Qırım abituriyentleri ukrain tasilini, tışqı mustaqil bilgige qıymet kesüvden keçmeyip, alıp olacaq.

Kiriş kampaniyası Qırım abituriyentleri içün iyül 1-den sentâbr 20-ge qadar devam etecek.

XS
SM
MD
LG