Link açıqlığı

Saatnıñ esas haberi

Ukraina Nazirler kabineti Adliye Nazirliginiñ evlenüvni bir kün içinde qayd etmek mümkün olğan bir qaç şeerde deñeme leyhanı ömürge keçirmek teklifine qol tuttı. Böyle qarar ükümet toplaşuvında qabul etildi.

Adliye naziri Pavel Petrenkonıñ bildirgenine köre, bu kibi deñeme leyha Kiyev, Odessa ve Lvovda teşkil etilecek. Böyle hızmetni Hersonda da peyda etmege teklif eteler, o yerde Rusiye tarafından işğal etilgen Qırımnıñ sakinleri bunı qullanıp olur.

Bundan da ğayrı, Ukraina şarqında dava zonasında da leyhanıñ ömürge keçirilmesi planlaştırıla: Mariupol ve Severodonetskte. Donbass şeerlerinde leyhanıñ teşkil etilmesi teşebbüsine izaat berip, Petrenko böyle hızmetni Ukraina Silâlı quvetler askerleri qullanıp olacağını qayd etti.

Nazirniñ sözlerine binaen, deñeme leyha çerçivesinde ariza berilgen soñ evlenüvniñ qayd etilmesiniñ minimal müddeti 30 künden (şimdiki vaqıtta olğanı kibi) bir künge qadar qısqartılacaq.

2017 senesinden başlap Adliye nazirligi bu hızmetniñ bütün regionlarda çalışacağını planlaştıra.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG