Link açıqlığı

Saatnıñ esas haberi

Qırım Mesken-kommunal hocalığı nazirligi içtimaiy ağlarğa çıqa


Facebook, Twitter ve Vkontakte içtimaiy ağlarında Rusiyege boysunğan Qırım Mesken-kommunal hocalığı nazirliginiñ saifeleri peyda oldı. Bu aqta Qırım nazirliginiñ matbuat hızmeti bildire.

«İçtimaiy ağlarda akkauntlar, bu nazirlikniñ faaliyetini vatandaşlar içün açıq yapmaq ve keñiş qullanıcılar tögeregi içün irişilir formatta aktual malümatnı bermek içün qoşma imkândır», – dep bildirdiler müessisede.

Qırım nazirliginde qayd etkenlerine köre, içtimaiy ağlar Mesken-kommunal hocalığınıñ faaliyeti aqqında Qırım vatandaşlarını haberdar etmekten ğayrı, olardan effektiv qarşı bağını almağa yardım etecektir.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG