Link açıqlığı

Aqyarda Lenin eykeli yıqtırıldı – rusiyeli şeer gubernatorınıñ muavini


İşğal etilgen Aqyarda belli olmağan şahıslar bala parkında turğan Volodâ Ulyanovnıñ (Leninniñ) eykelini yıqtırdı. Bu aqta iyül 12-de, salı künü rusiyeli Aqyar gubernatorınıñ muavini Aleksandr Reşetnikov bildirdi.

«Bugün saba ziyaretçiler yıqtırılğan eylkelni kördi. Yanında asfaltta onıñ siluet resimi bornen yapıldı, böyle ölüm vaqialarında yapalar.

Böyle vandalizm vaqialarını takbih etemiz. Aqyar farqlı devir abidelerine ürmetnen davrana. Şeerde Ulu Yekaterina, em de kommunizm erbaplarınıñ eykelleri, em de Lvov tarafından israrlıqnen ediye etilgen Taras Şevçenko abidesi tura. Maydandan varvarlarğa oşamaq, bu Aqyar adeti degil», – dep aytıla beyanatta.

Aqyar uquq qoruyıcıları müessiseniñ resmiy saytında vaqia aqqında malümatnı bildirmey.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG