Link açıqlığı

Qırımda vatandaş aviatsiyası institutınıñ filialını açmağa planlaştıralar


Qırımda Ulyanovsk vatandaş aviatsiyası institutınıñ filialını teşkil etmege planlaştıralar. Bu aqta 2016-2020 seneleri Qırımda vatandaş aviatsiyası inkişafı boyunca «yol haritası» merasimleri planınıñ ömürge keçirilmesi meseleleri boyunca toplaşuvda söz yürsetildi.

Kremlge boysunğan Qırım ükümetiniñ matbuat hızmetiniñ bildirgenine köre, merasim çerçivesinde aviatsiya uçuş-tehnikiy oquv merkeziniñ inkişafı meseleleri muzakere etildi.

«Qayd etmek kerek ki, Qırım territoriyasında çoq aerodrom bar. Uçaq alanları – bu pek çoq maliye talap etken infrastruktura inşaatlarıdır, ve olarnıñ baqımsız qalmasını istemez edik. Bunıñ içün, Qırımğa has olğan meteorologik şaraitni köz ögüne alıp, bu yerde Ulyanovsk vatandaş aviatsiyası institutınıñ filialını teşkil etmek fikrimiz peyda oldı», – dep ayttı Ava naqliyesi Federal agentliginiñ reisi Aleksandr Neradko.

Sergey Aksönov, Qırım uçucılarnıñ azırlanılması boyunca vazifelerni, bu cümleden, Rusiye Federatsiyası Sanayı nazirligi ve Mudafaa nazirligi qoyğan vazifelerni becerecek, dep qayd etti.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG