Link açıqlığı

Qırımda afta soñuna qadar anomal sıcaq olacaq


Rusiyege boysunğan Fevqulade vaziyetler nazirliginiñ Qırım idaresi iyül 17-ge qadar yarımadada anomal sıcaq olacağı aqqında haber ete, orta ava arareti 32-37 derece teşkil etecek.

Bundan sebep, qurtarıcı hızmetiniñ malümatına köre, iyül 12-15 künleri Qırımda yüksek yanğın havfı beklenile.

Bundan evel Qırımda şiddetli yağmurlarnen furtunalı ava üküm süre edi.

İyün ayında şiddetli yağmurlar neticesinde yarımadada soqaqlar, bazı rayonlarda şahsiy evler suv astında qalğanı aqqında malümat bildirilgen edi.

Bu sene iyün 24-ten başlap Qırımda fevqulade yanğın telükesi rejimi ilân etildi, bundan sebep yarımada ormanları ziyaretler içün vaqtınca qapatıldı.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG