Link açıqlığı

Aqyarda raatlanğanlar avtomatlarnen yürgen rusiyeli politsiyağa şikâyet ete


Keçken afta soñu internette Aqyar yalısında çıqarılğan video yerleştirildi, o yerde raatlanğan kişiler rusiyeli politsiya hadimlerinen qavğalaşa. Videoğa köre, politsiya hadimleri yalıdan insanlar taqımını quvmağa tırışa.

«Siziñ yalıda avtomatlarnen yürmeñiz kerekmey. Balalar otura, o ise olarğa avtomatnen...», – dep narazılıq bildire yanıda toplaşqan raatlanğanlar.

Dava sebebi belli degil, amma videonıñ müellifleri yazılmanı rusiyeli Aqyar gubernatorı Sergey Menâyloğa ve rusiyeli prezident memuriyetine yollaycaq, dep qorquzdı.

Aqyar uquq qoruyıcı organlarınıñ, em de yerli akimiyetniñ bu vaqia boyunca izaatları yoq.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG