Link açıqlığı

İyül 11-de, bazarertesi künü Rusiye Bankı emissiya programması çerçivesinde «Petrozavodsk» ve «Feodosiya» («Kefe») 10 rublelik paranı işke tüşüre.

Bu aqta malümat Rusiye Merkeziy Bankı saytında yerleştirilgen.

«Paranıñ arqa tarafında Petrozavodsk ve Kefe gerbleriniñ relyef resimleri kösterile. Paralar «Arbiy şan-şüret şeeri» seriyasında çıqa. Paranıñ er türü 10 million nushada çıqarıla», – dep aytıla beyanatta.

Bunen beraber, Rusiye Merkeziy Bankınıñ bildirgenine köre, bazarertesi kününden başlap, Oröl şeeriniñ temeli qoyulğanınıñ 450 yıllığına bağışlanğan 3 rublelik kümüş parası, 25 rublelik «Etyen Moris Falkoneniñ icadı» kümüş parasıişke tüşürilecek. «Rusiyeniñ qadimiy şeerleri» seriyasında 10 rublelik hatıra paraları çıqacaq: «Rjev, Tver vilâyeti», «Zubtsov, Tver vilâyeti», «Velikiye Luki, Pskov vilâyeti».

2015 senesi dekabr ayında Rusiye bankı işğal etilgen Qırım ve Aqyarğa bağışlanğan 100 rublelik paranı çıqardı.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG