Link açıqlığı

Saatnıñ esas haberi

Qırımda bir ay içinde Avropa devletlerinden ketirilgen 15,285 tonnadan ziyade aşayt mahsulatı alınıp yoq etildi. Bu aqta malümatnı Qırım boyunca Rusiye köy hocalığı nezaret hızmetiniñ matbuat hızmeti bildire.

Elde etilgen malümatqa binaen, bunen beraber, 15,073 tonna Poloniya almaları, 156 kg portaqal ve 56 kg İspaniyalı şeftali alındı.

«Yasaq etilgen mahsulat Aqmescit TBO poligonında kömme usulınen yoq etildi», – dep qayd ettiler Rusiye köy hocalığı nezaret hızmetinde.

Rusiyede ve Qırımda, evel Moskvağa qarşı, onıñ Qırımnı işğal etkeni ve Ukraina şarqında basqıncılığı sebebinden, sanktsiyalar kirsetken devletlerden aşayt mahsulatı ve köy hocalığı mahsulatınıñ italine sıñırlanma kirsetildi.

2015 senesi avgust 6-dan başlap, Rusiye prezidenti Vladimir Putinniñ emrine esaslanıp, qanunsız mahsulatnı, evel yapılğanı kibi teslim eticige qaytarmağa degil de, yoq etmege başladılar.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG