Portugaliya cıyma taqımı öz tarihında ilk sefer Avropa çempionı oldı.
Kontinetal birincilikniñ al etici matçında «Stad de Frans»ta Kriştianu Ronaldunıñ taqımı overtaymda 1:0 esabınen turnir saibi frenklerni yeñdi.
Oyunnıñ 109-cı daqqasında al etici golnı ücümci Eder urdı, o ekinci taymda avuştırmanen oyunğa kirdi.
Portugaliya futbolcıları oyunnıñ 25-ci daqqasında, yaralanğanı sebebinden taqımnıñ lideri ve kapitanı Kriştianu Ronaldu meydannı terk etken soñ, müşkül vaziyetke tüşti. Umumen olaraq, Frenkistan taqımı matç devamında üstün edi, amma iç bir imkânını qullanıp olamadı.
