Soñki 8 ay devamında rusiyeli turistlernen (189 kişi) ilk uçaq Antalyağa (Türkiye) keldi.
TASS ve ğarbiy agentliklerniñ, Türkiye medialarğa esaslanıp, bildirgen malümatlarına köre, bu «Rossiya» ava şirketiniñ Moskvadan doğru çarter seferi edi.
Bundan evel Türkiye ükümeti Rusiyenen çarter ava taşımasına razılıq berdi, amma şimdilik rusiyeli ükümet resmiyleştirmenen bağlı meselelerni soñuna qadar çezmedi. Cuma künü Rusiye baş naziri Dmitriy Medvedev bildirdi ki, mütenasip vesiqa ükümetke bir afta devamında teslim etilecek.
İyün 30-da Rusiye prezidenti Vladimir Putin Türkiyege turlarnıñ satılmasına sıñırlanmanı red etti. Bunen beraber, Rusiye ve Türkiye arasında çarter ava seferlerine yasaq lâğu etildi.
Kremlniñ qayd etkenine köre, bu, Erdoğan 2015 senesi noyabr ayında elâk olğan uçucınıñ qorantasından afu sorağanı ve taziye bildirgeninden soñ mümkün oldı. O vaqıt Türkiye arbiy ava quvetleri Türkiye ve Süriye arasındaki sıñır yanında rusiyeli Su-24 cenk uçağını urdı.
