Rusiyege boysunğan Qırım Devlet veterinar nezaret hızmeti yarımadanıñ cenübiy yalısında mütenasip vesiqaları olmağan satışta tavuq etini taptı, et alındı ve yoq etildi.
Müessiseniñ malümatına binaen, et Aluşta civarındaki Tuvaq (Rıbaçye) ve Küçük Özen (Maloreçenskoye) köylerinde satıla edi.
«13,5 kg miqdarında istisalcı markası ve mütenasip veterinar vesiqaları olmağan tavuq etiniñ satıluvı belgilendi. İşbu mahsulat satıştan alındı ve biotermik çuqurda yoq etildi», – dep aytıla beyanatta.
İş adamları para cezasınen cezalandı.
Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.
