Link açıqlığı

Aksönov Qırım Mesken-kommunal hocalığı naziriniñ birinci muavinini işten boşata – ferman


Qırım Nazirler şurası, arhiv fotoresimi

Rusiyege boysunğan Qırım ükümetiniñ Mesken-kommunal hocalığı nazirinden soñ onıñ birinci muavini Aleksey Boçarovnı da istifağa yollaylar.

Bu aqta Qırımnıñ rusiyeli yolbaşçısı Sergey Aksönovnıñ iyül 8-de çıqarılğan mütenasip fermanında söz yürsetile.

«Boçarov Aleksey Viktoroviçni Qırım Mesken-kommunal hocalığı naziriniñ birinci muavini vazifesinden 2016 senesi iyül 18-den öz isteginen bu arizağa binaen boşatmaq», – dep aytıla vesiqada.

Qırım Mesken-kommunal hocalığı naziri Aleksandr Jdanovnı bu afta bir sıra iş bozuluvı sebebinden istifağa yolladılar. O, bu vazifeni eki yıl devamında eda etken edi. Şimdiki vaqıtta onıñ yerine kim kelecegi aqqında daa belli degil.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG