Link açıqlığı

İyül 8-de, cuma künü Aqmescit ava limanında kütleviy şekilde Rusiyeden uçaq seferlerini lâğu eteler ve keçiktireler.

Bunı ava limanı saytınıñ on-line tablosında yerleşken malümat köstere.

Endi ondan ziyade sefer, esasen Moskvadan seferler lâğu etildi. Bunen beraber Saratov, Kursk, Belgorod ve diger şeerlerden seferler lâğu etilgen. Uçaq seferleriniñ lâğu etilmesi ve keçiktirilmesiniñ sebepleri bildirilmey.

TASS agentliginiñ malümatına binaen, iyül 1-de Rosaviatsiya şirketniñ istismarcı sertifikatını (ava şirketine seferlerni yapmağa aqq bergen vesiqa) iyül 15-ke qadar sıñırladı. Böyle etip, şirket iyül ortasına qadar ticariy seferlerni teşkil etip olamaz. Qarar, şirketniñ maliye-iqtisadiy vaziyeti aqqında müessiseniñ neticesine ve plan boyunca yapılğan teşkerme neticesine esaslanıp alındı.

2014 senesi mart ayında yarımada Rusiye tarafından işğal etilgen soñ Qırım ava limanları Ukraina ükümeti qararınen qapatıldı. O yerge ve o yerden er angi uçuşlar Ukraina qanunlarını ve halqara qaidelerni boza, bunıñ içün ava şirketleri Ukraina ve İKAO tarafından halqara sanktsiyalarğa oğray bile.

Şimdiki vaqıtta Qırımğa uçaq seferleri tek rusiyeli şirketler tarafından teşkil etile.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG