Tarihçı ve publitsist Sergey Gromenko «Qırım içün 500 uruş» kitabını neşir etti, kitapta yarımadanıñ arbiy tarihı cıyılğan ve tertipke ketirilgen. Bu aqta neşir müellifi Facebook saifesinde bildirdi.
Onıñ sözlerine köre, bu «çoq azaplardan keçken kitap eki yıllıq keçiktirmelerden keçip, neticede «Stilos» neşriyatında çıqarıldı». Bu iş, yarımada arbiy tarihı aqqında malümatnı cıyğan ve tertipke ketirgen tarihşınaslıqta soñki eki yarım biñyıllıq devamında ilk ıntıluv ola.
Bu yerde Qırımnı elde etmek içün 507 uruş cedveli bildirile, cedvel çoq menbanıñ esasında tizildi. Resimler olaraq müelliflerniñ haritaları qullanılğan.
«Qırım içün 500 uruş» kitabı Sergey Gromenkonıñ birinci işi degil. O, aynı vaqıtta «Stepy, morze i gory. XVIII asırnıñ soñu – XX asırnıñ başı Poloniya seyataçıları Qırım aqqında» neşriniñ müellifi ola.
