Link açıqlığı

Rusiye prezidenti Vladimir Putin deputat İrina Yarovaya ve Federatsiya Şurası azası Viktor Ozerovnıñ rusiyeli qanunlarnı daa qattı yapqan «terrorizmge qarşı paketini» imzaladı. Bu aqta devlet yolbaşçısınıñ matbuat kâtibi Dmitriy Peskov bildirdi.

Deñişmeler paketi «çaqmama» ve kütleviy nizamsızlıqta iştirak etmesine «yaqınlaşma» içün cinaiy mesüliyetniñ kirsetilmesini belgiley. Bundan da ğayrı, bağ operatorları endi müşterilerniñ bütün telefon laflarını ve mesajlarını yazmaq ve saqlamaq mecbur.

Uquq qoruyıcılar ve muhalifet siyasetçileri, «Yarovaya – Ozerov paketine» qarşı çıqıp, vesiqa «terrorizmge qarşı küreş alıp barmaqtan daa çoq vatandaşlarnıñ aqları ve serbestligini sıñırlağanını» ilân etken edi.

Ziyalılar Kongressinde yañı qaideler Anayasağa zıt kelgenini tüşüneler. «Terrorizmge qarşı paketini» red etmege prezidentniñ İnsan aqları boyunca şura da teklif etken edi.

«Yarovaya – Ozerov paketiniñ» menfiy neticeleri aqqında bağ operatorları da bildire edi. Olarnıñ sözlerine köre, yañı mecburiyetler sebebinden cep bağı hızmetleriniñ fiyatları eki-üç qat ziyade olacaqtır.

XS
SM
MD
LG