Qırımda 2016 senesi iyül 1-den başlap minimal aylıq seviyesi yükseldi, dep bildireler Rusiyege boysunğan Qırım ükümetinde.
Qırım emek ve içtimaiy siyaset nazirliginiñ malümatına köre, bücet saasında çalışqan işçilerniñ aylığı 7500 rubleden (tahminen 2880 grn), iqtisatnıñ kerçek saası işçileriniñ aylığı 7650 rubleden (2900 grn)az olamaz, bu ise, evelden olğan aylıqtan 608 ruble ziyadedir, dep qayd eteler müessisede.
Bundan evel Qırım nazirliginde bildirdiler ki, iyün soñunda yarımadada aylıq berilmesi borcu 124,8 million rubleni teşkil etti.
Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.
