Rusiye prezidenti Vladimir Putin bu afta devlet regionlarına bütün planlaştırılğan ziyaretlerni red etti. Bu aqta RBK, Kremlge yaqın olğan menbalarğa esaslanıp, bildirdi.
Seferler red etilmesiniñ sebepleri neşirde belgilenmey. Rusiye devleti yolbaşçısınıñ matbuat kâtibi Dmitriy Peskov qayd etti ki, planlaştırılğan ziyaretler aqqında evel haber etilmegen edi.
İyül 5-te Vladimir Putin Altay ülkesini ziyaret etecek edi, o yerde turizmge bağışlanğan Rusiye Devlet şurasınıñ prezidium toplaşuvı keçirilecek edi. İyül 6-da Putinni Yakutskta bekley ediler. O yerde Bütün Rusiye halq frontunıñ nevbetteki regionlarara konferentsiyası ve «Asiya balaları» sport oyunlarınıñ açılış merasiminiñ keçirilmesi planlaştırılğan.
Oyunlar açılışına Rusiye prezidentiniñ yerine rusiyeli baş nazir Dmitriy Medvedev yol aldı.
Matbuat davet etilgen merasimlerde Putin soñki sefer keçken aftanıñ soñunda iştirak etti, iyül 1-de Rusiye prezidenti Felemenkke bardı.
