Link açıqlığı

Medvedev Qırım köy hocalığınıñ inkişafına 1,7 milliard ruble ayırdı


Rusiye baş naziri Dmitriy Medvedev işğal etilgen Qırım yarımadasınıñ köy hocalığınıñ inkişafına 1,7 milliard ruble ayırılması aqqında fermannı imzaladı. Bu aqta malümat Rusiye Nazirler kabinetiniñ saytında bildirile.

«İmzalanğan fermanda 2016 senesi federal bücetinden Federatsiyanıñ 18 subyektiniñ bücetine iqtisadiy taraftan müim olğan ösümlik yetiştirme saasındaki köy hocalığınıñ regional inkişaf programmalarına detseknen bağlı masraflarğa 2574,8 million ruble miqdarında subsidiyalar belgilendi, bu cümleden, Qırım cumhuriyeti ve Aqyar köy hocalığınıñ regional inkişaf programmaları çerçivesinde kerekli tedbirlerniñ ömürge keçirilmesi içün 1700 million ruble ve 288 million ruble ayırıldı», – dep bildirdi Rusiye ükümetiniñ matbuat hızmeti.

Para 2013-2020 seneleri köy hocalığı inkişafı ve köy hocalığı mahsulatı, aşayt bazarlarınıñ idare etilmesi devlet programması çerçivesinde ayırıla.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG