Türkiye şimaliy şarqında yüz bergen arbiy vertolöt qazası neticesinde yedi kişi elâk oldı, sekiz insan yaralandı, dep bildire devletniñ Silâlı quvetleri.
Vertolöt türkiyeli askerler ve olarnıñ qorantalarını taşıy edi, elâk olğanlar arasında türkiyeli ordunıñ brigada generalı da oldı.
Türkiye baş naziri Ahmet Davutoğlu uçaqqa ücüm yapılğanını ya da onıñ urulmasını red ete.
«Bu yaramay ava vaziyeti sebebinden yüz bergen qazadır», – dep qayd etti Ahmet Davutoğlu.
Vertolöt Qara Deñiz rayonındaki bazadan qayta edi, o yerde apaylar ve balalar aqaylarını ve ana-babalarını Oraza bayramınen hayırlamaq içün ziyaret ete edi.
