Link açıqlığı

Saatnıñ esas haberi

Medinada ve Saudi Arabistannıñ daa bir qaç yerinde patlavlar oldı


Medinada patlavdan soñ, 2016 senesi, iyül 4
Medinada patlavdan soñ, 2016 senesi, iyül 4

Saudi Arabistanda devletniñ bir qaç yerinde, hususan islâmnıñ ekinci muqaddes yeri olğan Medina şeerinde patlavlar yüz bergeni aqqında malümat bildirile.

Elde etilgen malümatqa binaen, bütün bu patlavlar özüni öldürgen insanlar tarafından yapıldı.

Hususan, Medinada patlav islâmnıñ ekinci muqaddes yeri olğan Peyğamber camisi (al-Mascid an-Nabawi) yanında yüz berdi. Evel kiçik camini ev yanında Muhammed Peyğamberi (s.a.v.) özü qurdı, bundan soñ yaqında yerleşken onıñ apayınıñ evinde vefat etti. Şimdiki vaqıtta cami binası dünyada eñ büyük camilerden biri sayıla, bu yerde peyğamber vefat etken yeri ve onıñ qabiri yerleşe. Mescit bütün dünyadan kelgen musulmanlar içün acılıq yeri sayıla.

Patlav qaravullar közetme noqtası yanında yañğıradı, o vaqıt qaravullar muqaddes Ramazannıñ yekünlenmesi munasebetinen orazanı bitire edi. Malümatqa köre, ücümciden ğayrı, daa eki qaravul hadimi elâk oldı.

Bundan evel eki patlav devletniñ şarqında yerleşken Katif şeerinde yüz berdi, daa bir patlav ekinci eñ büyük Cidda şeerinde, Amerika Qoşma Ştatları konsullığı yanında yañğıradı. Bildirilgen malümatqa köre, o yerde, ücümcilerden ğayrı, kimse elâk olmadı, bir qaç insan yaralandı.

Bu ücümler içün mesuliyetni boynuna kimse almadı.

XS
SM
MD
LG