Link açıqlığı

Saatnıñ esas haberi

Putin Obamanı AQŞ Mustaqilligi künü ile hayırladı


Vladimir Putin ve Barak Obama, arhiv fotoresimi
Vladimir Putin ve Barak Obama, arhiv fotoresimi

Rusiye prezidenti Vladimir Putin Amerika Qoşma Ştatları prezidenti Barak Obamağa Qoşma Ştatlarınıñ milliy bayramı, Mustaqillik künü munasebetinen hayırlav telegrammasını yolladı.

Bu aqta iyül 4-te Kreml matbuat hızmeti bildire.

«Rusiyeli-amerikalı munasebetlerniñ tarihı, musaviy uquqlı ortaq temeline esaslanıp areket etip ve bir-birimizniñ qanuniy menfaatlarını ürmet etip, biz eñ qıyın halqara meselelerni eki devlet ve bütün insaniyetniñ amanlığı içün çeze bilgenimizni tasdıqlay», – dep aytıla telegrammada.

Kremlniñ matbuat hızmetiniñ bildirgenine köre, Rusiye prezidenti «keçkenniñ müsbet tecribesi Rusiye ve AQŞ arasındaki dialognı konstruktiv yönelişke qaytaracağında emin olğanını bildirdi».

Amerika Qoşma Ştatları iyül 4-te Büyük Britaniyadan mustaqilliginiñ 240 yıllığını qayd ete. Bu munasebet ile bütün devlet boyunca parad, kezintiler ve fişenkler teşkil etilecek.

Amerika sesiniñ bildirgenine köre, prezident Obama Beyaz Sarayda askerlerniñ qorantaları içün barbekü, bundan da ğayrı, kontsertni teşkil ete, o yerde Kendrik Lamar ve Janel Mone iştirak etecek.

XS
SM
MD
LG