Link açıqlığı

İraqta Bağdad şeerindeki ticariy merkezde yüz bergen patlavlarnıñ qurbanlarına bağışlanğan üç kün matem ilân etildi. Teraktlar neticesinde 119 insan elâk oldı, tahminen 200 kişi yaralandı.

İyül 4-te İraq baş naziri Hayder al-Abadi ücüm yerini ziyaret etti. O, memurlarğa vaqianı bütünley taqiq etmege, bütün qabaatlılar cezalansın dep, avale etti.

114 insan Karrada merkeziy rayonında yük maşnası patlavı neticesinde elâk oldı. Bu vaqia içün mesüliyetni «İslâm devleti» boynuna aldı.

Diger patlav Şaab şimaliy rayonında yüz berdi, neticede daa 5 kişi elâk oldı.

Beyaz Saray patlavlarnı takbih etti, ve ücümler Amerika Qoşma Ştatlarınıñ «İslâm devletine» qarşı turmağa qararını qaviyleştirgenini ilân etti.

XS
SM
MD
LG