Qırımda Aqmescit rayonıñda Mamut Sultan köyüniñ yanında Qızıl qobanıñ rayonında iyül 2-de Rusiye yaşlar kününe bağışlanğan «Yaşlar piknigi» olacaq. Bunıñ aqqında Kremlge boysunğan Qırım akimiyetiniñ matbuat hızmeti bildire.
Programmada bir qaç interaktiv alan işleycek: sport yarışları, em de «Emekke ve imayege azırım» adlı kompleksniñ (GTO) alanı, balalarnıñ animatsiyası ve qoranta oyunları alanı, master-klasslar ve el işi alanı, oyun uruşma alanı, sana sanatı alanı, dep bildirdi teşkilât.
«Yaşlar piknigi» iştirakçilerini meraqlı kvestler, bütün Rusiye Federatsiyası yerinde keçken yaşlar forumlarınıñ temsiliy ve ayrette qaldırğan interaktiv oyunları bekley», – dep bildirdiler Qırım akimiyetiniñ matbuat hızmetinde.
Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.
