Amerika Qoşma Ştatları Devlet kâtibi John Kerry kelecek afta Tiflisni ve Kyivni ziyaret etecek.
Tifliste Kerry Gürcistanniñ Şimaliy Atlantik Añlaşması Teşkilâtı (NATO) ve Avropa Birligi ile yaqınlaşma suallerini muzakere etecekler, dep bildirdi iyün 30-da Amerika Qoşma Ştatları Devlet bölüginiñ matbuat kâtibi Josh Kirby. Bundan ğayrı, parlament saylavlarından evel prezident, baş naziri ve gürci muhalifetiniñ liderlerinen körüşecek.
Kirbyniñ aytqanına köre, iyül 7-de Kerry Kyivni ziyaret etecek. Mında o, islâatlar ve Donbasstaki vaziyetni laf etmek içün Ukraina prezidenti ve Baş naziri ile körüşecek.
Bundan soñ John Kerry Varşavada iyül 8-9 künleri keçecek Şimaliy Atlantik Añlaşması Teşkilâtınıñ (NATO) sammittinde olıp, Amerika Qoşma Ştatları prezidentine qoşulacaq.
