Link açıqlığı

«SimSitiTrans» muessisesiniñ avtobusları yerine başqa taşıyıcınıñ naqliyesini qoydılar – Aqmescit yolbaşçısı 


Qırım qamaçavınıñ lideri Lenur İslâmovnen bağlanğan «SimSitiTrans» işhanesiniñ avtobusları yerine başqa taşıyıcınıñ naqliyesini keçirdiler. Bunıñ aqqında Rusiyegeboysunğan Aqmescit memuriyetiniñ reisi Gennadiy Baharev bildirdi.

«Tahminen 100 avtobus belediye marşrutlarına çıqtı. Bu başqa taşıyıcılarnıñ, em de belediye tehnikası», – dep ayttı o, haber ete bölükniñ matbuat hızmeti.

Mayısta Baharevniñ bildirgenine köre, memuriyet «SimSitiTrans» şirketinen yedi avtobus marşrutı boyunca añlaşmanı bozdı.

Bu yılnıñ mayıs ayında, Baharevniñ bildirgenine köre, memuriyet «SimSitiTrans» şirketinen bir sıra avtobus marşrutı boyunca añlaşma munasebetlerini toqtattı. «Böyle vaziyet beklenilgen edi. Memuriyet yahşıca qoralandı», – dep qayd etti o.

Baharevniñ aytqanına köre, iyün 29-da, çarşenbe künü, «taşıma litsenziya işiniñ toqtatması sebebinden» «SimSitiTrans» şirketiniñ avtobusları şeer marşrutlarına çıqmadı.

Mahkeme temsilcileriniñ federal hızmeti saat 6.00-da işhaneniñ faaliyetini toqtattı, dep bildirdi çarşenbe künü Qırım jurnalisti Elzara İslâmova.

Lenur İslâmov ise vaziyetni tefsir etmiy. «SimSitiTrans» muessise reberliginiñ izaatları da yoq.

Rusiye uquq qoruyıcıları «SimSitiTrans» işhanesinde bir qaç kere tintüv keçirdiler. Uquq qoruyıcılar muessisege bundan evel belgilengen bozmalar aqqında ihtarnı bermek içün keldi, dep bildirgen edi Rusiyege boysunğan Qırım prokurorı Natalya Poklonskaya.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG