Link açıqlığı

İstanbul: ava limanında ücümler sebebinden ölülerniñ sayısı 41-ge qadar arttı


İstanbul ava limanı patlavdan soñ, 2014 senesi iyün 28 künü

Şimdi halqara Atatürk ava limanında ücümler sebebinden ölülerniñ sayısı 41 insannı teşkil ete, dep bildire İstanbul valisi.

Ücümler neticesinde yaralanğan 239 kişi aqqında malümat bildirdi.

Berilgen malümatqa köre, İstanbul ava limanındaki iyün 28-de aqşam yüz bergen ücüm neticesinde eñ azından 36 kişi elâk oldı ve 147 insan yaralandı. Elâk olğanlardan ukrainalı qadın (tahminen 1960 senesi doğmaı), daa bir vatandaş yaralandı.

İstanbuldaki Ukraina Baş konsullığı ukrainalılarğa İstanbul kezintilerinden vaqtınca vazgeçmege tevsiye ete.

Kimse ücüm mesüliyetini öz boynuna almadı. Türkiye baş naziri Binali Yıldırım bildirdi ki, ava limanındaki terakt mart ayında Brüsselde «İslâm devleti» kerçekleştirgen ücümge oşay.

Dünya liderleri ve BMT Türkiyedeki teraktnı takbih ettiler. Soñki bir qaç ay içinde Türkiye bir sıra ücümge oğradı. Kurd boyevikleri ve «İslâm devleti» ekstremist taqımları ücüm kerçekleştirilmesi ile qabaatlana.

XS
SM
MD
LG