Link açıqlığı

Saatnıñ esas haberi

İşğal etilgen Qırımda ukrainlerni Anayasa künü ile hayırlaylar


Qırım Ukrain medeniyet merkezinde salı künü qayd etilgen Ukraina Anayasası künü ile hayırlaylar. Merkezniñ esasçılarından biri olğan Leonid Kuzmin mütenasip hayırlavnı içtimaiy ağlarda paylaştı.

«İyün 28 – Ukraina Anayasası künü – er ukrain içün müim bir kündir. Anayasamız, vatandaşlarnıñ aqları ve serbestligini, mustaqilligini qorçalağan esas kefalettir, onıñ Esas qanun dep adlandırılması tesadüfiy degil. Endi 20 yıl devamında bu vesiqa devletimizniñ, onıñ siyasiy nizamı ve vatandaşlar cemiyetiniñ pişkinligini tasdıqlay», – dep yazdı Kuzmin Facebook saifesinde.

«Biz tek beraberlikte küçlü, hayırlı demokratik devletni qurmaq mümkün olğanını daima hatırlamaq kerekmiz. Anayasa künü ile hayırlayım! Sizge sağlıq, amanlıq, tınçlıq ve sevgi tileyim! Yaşasın Ukraina!» – dedi Kuzmin.

2015 senesi mayıs ayında Aqmescitte faaller Ukrain medeniyet merkeziniñ teşkil etilmesini taqdim etti, o, yarımadada ukrain tili ve medeniyetini tikleycektir.

İyün 28-de, salı künü Ukrainada Esas qanun künü qayd etile. Ukraina Yuqarı Radası bu munasebet ile salı künü tantanalı toplaşuv keçirecek.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG