Link açıqlığı

Qırım prokurorı Natalya Poklonskaya Devlet Dumasında çalışmağa azır olğanını qayd ete


Natalya Poklonskaya

Rusiyege boysunğan yedinci çağıruv Devlet Duması deputatlarına partiyadan nazmetler cedveline kirsetilgen Kreml tarafından tayinlengen Qırım prokurorı Natalya Poklonskaya rusiyeli Devlet Dumasında çalışmağa azır olğanını qayd ete.

Bu aqta Poklonskaya, onıñ namzetler cedveline kirsetilmesi boyunca izaat berip, rusiyeli TASS agentligine bildirdi.

«Saylanılsam, Devlet Dumasında çalışmağa planlaştıram. Bu yañı seviye, ve men uquq qoruyıcı saasında çalışqanda alğanım bilgilerni o yerde qullanmağa planlaştıram», – dep ayttı Poklonskaya.

Rusiye baş naziri, «Yedinaya Rossiya» firqasınıñ reisi Dmitriy Medvedev yedinci çağıruv Devlet Duması deputatları firqadan nazmetler cedveline Rusiyege boysunğan işğal etilgen Qırımnıñ prokurorı Natalya Poklonskaya ve rusiyeli Qırım yolbaşçısı Sergey Aksönovnı kirsetmek qararı alınğanını ilân etti.

İyün 17-de Rusiye prezidenti Vladimir Putin devlette parlament saylavlarınıñ bu sene sentâbr 18-de keçirilmesi aqqında fermannı imzaladı.

Yedinci çağıruv Devlet Dumasına saylavlar rey berüv bir kününde keçirilecek. Saylavlar qarışıq sistema boyunca teşkil etilecek: 225 deputat firqa cedvelleri boyunca, 225 deputat bir mandatlı okruglar boyunca saylanacaq. Bundan da ğayrı, yedinci çağıruv rusiyeli parlamentine 5 fayızlı manianı keçken firqalar keçecek.

XS
SM
MD
LG