Link açıqlığı

Aksönov Devlet Dumasına namzet cedveline kirsetilgen soñ Putinge destek köstermege aşıqtı


Sergey Aksönov

Kremlge boysunğan Qırım ükümetiniñ yolbaşçısı Sergey Aksönov Rusiye prezidenti Vladimir Putinge qol tutqanını bildirdi. Bu aqta «Yedinaya Rossiya» firqasınıñ XV qurultayınıñ ekinci basamaq umumiy toplaşuvında iştirak etken Aksönov iyün 27-de Facebook saifesinde yazdı.

O, Vladimir Putinniñ sözlerini aytıp, qayd etti ki, «Yedinaya Rossiya» firqasınıñ siyaseti temelinde memleketniñ «devlet menfaatı teren añlamasıdır».

«Er vaqıt, amma hususan bugün, istenilgen ve kerek olğan sağlam konservatizm ve deñişmelerge açıq olmanıñ bu kibi birikme. Vladimir Vladimiroviçke (Putinge – QA) qol tutam ve partiya azaları prezidentimizniñ sözlerini diñleyceklerinde şübem yoq», – dep qayd etti Aksönov.

Rusiye baş naziri, «Yedinaya Rossiya» firqasınıñ reisi Dmitriy Medvedev yedinci çağıruv Devlet Duması deputatları firqadan nazmetler cedveline Rusiyege boysunğan işğal etilgen Qırımnıñ prokurorı Natalya Poklonskaya ve rusiyeli Qırım yolbaşçısı Sergey Aksönovnı kirsetmek qararı alınğanını ilân etti.

İyün 17-de Rusiye prezidenti Vladimir Putin devlette parlament saylavlarınıñ bu sene sentâbr 18-de keçirilmesi aqqında fermannı imzaladı.

Yedinci çağıruv Devlet Dumasına saylavlar rey berüv bir kününde keçirilecek. Saylavlar qarışıq sistema boyunca teşkil etilecek: 225 deputat firqa cedvelleri boyunca, 225 deputat bir mandatlı okruglar boyunca saylanacaq. Bundan da ğayrı, yedinci çağıruv rusiyeli parlamentine 5 fayızlı manianı keçken firqalar keçecek.

XS
SM
MD
LG