Link açıqlığı

Aksönov ve Poklonskaya «Yedinaya Rossiya» firqasından Devlet Duması deputatlarına namzetler cedveline kirsetildi


Sergey Aksönov ve Natalya Poklonskaya

Rusiye baş naziri, «Yedinaya Rossiya» firqasınıñ reisi Dmitriy Medvedev yedinci çağıruv Devlet Duması deputatları firqadan nazmetler cedveline Rusiyege boysunğan işğal etilgen Qırımnıñ prokurorı Natalya Poklonskaya ve rusiyeli Qırım yolbaşçısı Sergey Aksönovnı kirsetmek qararı alınğanını ilân etti, dep bildire iyün 27-de «Yedinaya Rossiya» firqasınıñ saytı.

Bildirilgen malümatqa köre, bazarertesi künü partiyanıñ yuqarı şura ve Baş şurası bu teklifke qol tuttı.

Bundan da ğayrı, Medvedevniñ teklif etken cedveline rejissör Stanislav Govoruhin, Çeçenistan yolbaşçısı Ramzan Kadırov, Moskva şeer yolbaşçısı Sergey Sobânin, Tataristan prezidenti Rustam Minnihanov da kirsetildi.

Elde etilgen malümatqa binaen, «Yedinaya Rossiya» keçirilecek Devlet Dumasına saylavlarına 207 bir mandatlı okrugında namzetlerini taqdim etecek.

Poklonskaya ve Aksönovnıñ olarnıñ soyadları nazmetler cedvelinde peyda olğanınen bağlı izaatları daa yoq.

İyün 17-de Rusiye prezidenti Vladimir Putin devlette parlament saylavlarınıñ bu sene sentâbr 18-de keçirilmesi aqqında fermannı imzaladı.

Yedinci çağıruv Devlet Dumasına saylavlar rey berüv bir kününde keçirilecek. Saylavlar qarışıq sistema boyunca teşkil etilecek: 225 deputat firqa cedvelleri boyunca, 225 deputat bir mandatlı okruglar boyunca saylanacaq. Bundan da ğayrı, yedinci çağıruv rusiyeli parlamentine 5 fayızlı (bundan evel olğan 7 fayız yerine) manianı keçken firqalar keçecek.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG